Esperta Monforte preguntará no pleno de hoxe se o concello ten intención de facer un estudo de aforro enerxético e de auga no municipio, co fin de ser máis austeros no consumo.
Esperta Monforte xa ten trasladado a posibilidade de apagar a metade das luces públicas da cidade e as parroquias entre as 2 e as 7 da mañá. E aseguran que a día de hoxe detectan unha morea de anomalías que non benefician o aforro enerxético, “Temos 51 luminarias entre o paseo e o parque de Cobas encencidas entre as 20.00 e as 7.30, o mesmo sucede entre Carude e o IES da Pinguela, regamos os parques de mañá, lugares nas parroquias sen xente e as luminarias encendidas”, aseguran.
O rogo de Esperta Monforte refírese á utilización do Facebook do concello de Monforte por parte do equipo de goberno. Pídenlles que deixen de utilizar a páxina como “folla parroquial do noso amado lider”, mesturando cuestións que consideran persoais con temas do municipio. Consideran que non debe de ser así por tratarse dunha páxina de tódolos monfortinos.
