“Chantada Contra o Cancro”, a asociación de Chantada que axuda a pacientes e familiares que sofren esta enfermidade, promove hábitos de alimentación e vida saudable e realiza actividades divulgativas.
Este luns, 14 de novembro ás 20:00 h. no Auditorio Municipal de Chantada organiza unha conferencia coloquio aberta a todas as persoas interesadas co tema, “Sabes en que pode axudarche unha traballadora social se ti, ou algún familiar, tes ou ten cancro?”
Ter cancro ou que calquera membro da familia padeza esta enfermidade implica un cambio de vida en moitos aspectos. A traballadora social do centro de saúde de Chantada, Beatriz Chaos, abordará que dependendo do nivel en que se atope a enfermidade e dos recursos económicos e psicolóxicos que se posúan, vaise precisar a axuda de diferentes profesionais. “As traballadoras e traballadores sociais son as que poden orientarnos á hora de solicitar unha simple cadeira de rodas ou axudas no domicilio, axudas de dependencia, información sobre HADO, xantar na casa, etc…”, aclaran desde a Chantada contra o cancro.
