Unha muller foi rescatada polos servizos de emerxencia despois de sufrir unha caída nunha zona de obras a poucos metros da vías do tren no municipio lugués de Monforte de Lemos. Segundo informou o CIAE 112 Galicia, o incidente produciuse ás 14,45 nun punto de difícil acceso nas proximidades do Museo do Ferrocarril.

Os bombeiros desprazados ao lugar tiveron que empregar unha cadeira sanitaria e unha padiola para sacar á muller do lugar no que se atopaba. Unha vez fóra, a muller, que estaba desorientada, foi evacuada en ambulancia a un centro hospitalario.