HomeCulturaO día 2 de decembro preséntase no Ateneo Casino o poemario, "A...

O día 2 de decembro preséntase no Ateneo Casino o poemario, “A falta dun Edén, a terra”

A Libraría da Proencia organiza, xunto con Chan da Pólvora, a presentación do poemario de Mercedes Martínez Modroño no Ateneo Casino o venres 2 de decembro ás 20.00h.

Publicado o

POR
Redacción
- Advertisement -

Ademais da autora, Mercedes Martínez Modroño, contarase con dous músicos que acompañarán no recitado de poemas cun espectáculo musical denominado Versofonía.

Mercedes Martínez Modroño (A Coruña, 1968) vive na vertente ourensá da ribeira do Sil desde 1999. Aínda que é pedagoga de formación, nos últimos anos traballou no campo da comunicación turística, froito do cal en 2014 publica Viaxe desde os cantís á memoria. Guía libre para entender Parada de Sil. Colaborou co diario dixital Praza Pública e outros medios de opinión. Desde 2021, forma parte do dúo Versononía, onde combinan a música e a poesía. Este volume, o seu primeiro poemario, reúne algunhas desas composicións que recita ao vivo.

A falta dun Edén, a terra é un berro contra a nostalxia, contra a impostura do paraíso. É un texto apegado a unha realidade de aldea que se resiste a negarse pero tamén a converterse nunha imaxe costumista ou, o que é peor, nunha ficción turística. Mercedes Martínez Modroño crea trazos dunha natureza que se mestura co sangue e que atravesa a subxectividade. Pero, por riba de todo, foxe da fosilización nos soños da idea dun pasado mellor. Rexeita a quimera edénica e ancárnase no presente.

ÚLTIMAS

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...

Chantada humanizará co plan HURBE a conexión entre a rúa Doutor Fleming e a Avenida de Lugo

O alcalde de Chantada, Manuel Lorenzo Varela e a Conselleira de Vivenda e Planificación...

Inscricións abertas ata o 9 de decembro para participar no Mercado de Nadal de Monforte

O prazo para presentar as solicitudes estará aberto desde este mércores, 18 de novembro,...