O concello de Monforte informaba este venres de que estaba recibindo queixas de nais e pais que estaban recibindo chamadas para cambiarlles a cita que tiñan para esta xornada no pediatra do centro de saúde. A cita cambiábase para finais do mes de decembro.

Desde o concello insisten en que na actualidade non hai pediatra e trasladan o malestar do alcalde e do concello “por unha asituación moi grave e insosible froito dunha pésima xestión por parte da Xunta de Galicia e do Sergas”.

“Como concello e como segunda cidade da provincia a situación que se está a dar no centro de saúde non a podemos consentir. Esta é unha mostra máis do desmantelamento da sanidade publica que provoca un grave perxuizo aos nosos cidadáns e neste caso aos nosos nenos e nenas, por iso esiximos á Xunta de Galicia e ao Sergas que solucionen dunha vez por todas este grave problema que estamos a vivir no centro de saúde e no hospital comarcal de Monforte de Lemos”, aseguraba a tenente alcaldesa, Gloria Prada.