A asociación cultural Segredos de Pantón ten en marcha a quinta edición do concurso fotográfico de Nadal. As fotografías participantes pódense ver e votar nesta ligazón.

As fotos participantes debían reflexar paisaxes outonais e invernais ambientadas en calquera lugar do municipio de Pantón, os participantes só podían enviar unha imaxe en cor de temática libre que non fora premiada en concursos anteriores e que non pasara por un proceso de edición fotográfica.

O 1º premio é unha cesta con estancia e experiencia agroturística en Fogar do Pumar, un paseo en zodiac para 2 persoas de Turismo Pantón e diversos produtos do concello. O 2º premio é cesta cunha noite para dúas persoas con almorzo na Rectoral de Castillón, un bote de marmelada e unha salsa picante de Tutta Fruta e outros produtos e servizos do concello e de 3º premio é cesta cunha estancia para dúas persoas no Ecolagar O Barqueiro e produtos e servizos do municipio.