HomePolítica"Tomé é un alcalde propaganda", asegura Katy Varela tralo anuncio de Adif...

“Tomé é un alcalde propaganda”, asegura Katy Varela tralo anuncio de Adif de eliminación de pasos a nivel que non inclúen Monforte

No 2020, José Tomé, informaba dun acordo con Adif para iniciar o proceso de eliminación dos pasos a nivel do casco urbano, comezando por Rioseco e de Juan Montes, nun período de tres ou catro anos.

Publicado o

POR
Redacción
- Advertisement -

A supresión dos pasos a nivel do casco urbano de Monforte terá que esperar, despois de que Adif anunciara que, polo momento, reduciranse no término municipal de Lugo. Este anuncio leva á presidenta do PP de Monforte, Katy Varela, a criticar ao rexedor, José Tomé, “O alcalde volve a incumplir o seus compromisos sobre os pasos a nivel de Monforte. É a demostración de que é un alcalde de propaganda”.

A portavoz do PP monfortino engade que a presencia dos pasos a nivel na cidade “é un problema cidadán que vai máis alá do político e que, polo que se ve, interesa a todos os veciños menos ao alcalde”. As obras anunciadas pola administración de ferrocarrís, que nesta ocasión non se executan en Monforte, enmárcanse dentro das actuacións de mellora que se están a realizar no tramo ferroviario Ourense-Monforte de Lemos-Lugo.

Porto Seco

Katy Varela denuncia tamén o deixamento do rexedor monfortino no que respecta ao porto seco, “no que un paso a nivel dificulta a conexión coa N-120 e ao que non se lle saca partido pola pasividade e escusas do alcalde José Tomé, que entorpece a posta en marcha desta importante infraestrutura na que a Xunta leva investido máis de 20 millóns de euros”.

A portavoz popular monfortina destaca que “dende o Goberno galego vense pedindo ao Ministerio de Transportes, Mobilidade e Axenda Urbana que deixe de poñer continuos obstáculos para que a Xunta avance neste proxecto e garantir unha conexión do porto seco con Ourense e a Meseta. Hai atrancos polo modo de enlace coa estrada nacional que se prevé converter en autovía e tamén porque reclama a eliminación dun paso a nivel de Adif”, explica Varela.

“A correcta xestión sería acordar con Adif a supresión do paso a nivel necesario para concluír os accesos ao porto seco e potenciar estes terreos como un auténtico polígono industrial de Monforte, sen ter que utilizar recursos que virían ben para arranxar outras necesidades da cidade”, conclúe a voveira popular.

ÚLTIMAS

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...

Chantada humanizará co plan HURBE a conexión entre a rúa Doutor Fleming e a Avenida de Lugo

O alcalde de Chantada, Manuel Lorenzo Varela e a Conselleira de Vivenda e Planificación...

Inscricións abertas ata o 9 de decembro para participar no Mercado de Nadal de Monforte

O prazo para presentar as solicitudes estará aberto desde este mércores, 18 de novembro,...