HomeCulturaO músico sarriao Abraham Cupeiro pregoará as festas do San Xoán no...

O músico sarriao Abraham Cupeiro pregoará as festas do San Xoán no seu concello

O músico e multiinstrumentista sarriao Abraham Cupeiro será o pregoeiro das festas do San Xoán 2023, que se celebrarán entre os días 23 e 27 de xuño e que repetirán ubicación na rúa Castelao e a súa contorna tras a boa acollida da anterior edición.

Publicado o

POR
Redacción
- Advertisement -

Abraham Cupeiro, que estudou trompeta no Real Conservatorio Superior de Música de Madrid e realizou posteriormente un Máster en Interpretación da Música Antiga na Universidade Autónoma de Barcelona, formou parte desde moi novo de grupos de folk, jazz e música antiga.

Desde hai anos destaca polo seu labor de recuperación de instrumentos perdidos no tempo e a súa utilización para crear novas sonoridades e incorporalos a músicas alleas ao seu estilo orixinal. Como instrumentista, é unha das poucas persoas do mundo que toca o Karnyx -trompleta celta da Idade de Ferro- e o seu interese pola organoloxía levouno a reunir unha colección de máis de 200 instrumentos de todo o mundo e de distintas épocas.

Claudio Garrido indicou que “Abraham Cupeiro é un sarriao que exerce como tal e que acostuma a mencionar as súas orixes alí onde ten oportunidade” e resaltou que “actualmente é un dos grandes embaixadores da cultura galega e tradicional tanto a nivel nacional como internacional”. “É unha honra que teña aceptado a invitación para ser o pregoeiro do San Xoán 2023”, engadiu.

ÚLTIMAS

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...