O parque infantil da Compañía, que foi completamente renovado a principios do ano 2021, presentaba unha serie de deficiencias no piso de caucho, que non eran xustificables polo escaso período de tempo transcorrido dende a súa colocación.

Por este motivo o concello requeriu á empresa responsable das obras de ampliación e mellora, que se fixese unha análise da situación que concluíu cun informe no que se determina que o deterioro estaba ocasionado pola colocación dunha partida defectuosa de caucho.

Ante esta información, o equipo de goberno  procedeu a requirir á empresa para que levantase o piso defectuoso e volvese a colocar un caucho novo, que garantice que o parque estea en condicións óptimas para ser usado.