O dispositivo de circulación previsto desde a Policía Local consiste no peche do paseo do Malecón por tramos, segundo as necesidades que se precisen para os traballos de montaxe e desmontaxe das distintas estruturas habilitadas para os participantes e visitantes do evento. Esta decisión tómase coa intención de interrumpir a circulación o menor tempo posible. Con esta finalidade, defínense dúas actuacións distintas:

• Dende o día 26 de xuño ás 7:00h e ata o día 4 de xullo ás 23:00 h pecharase a rúa dende o inicio do Malecón ata a baixada lateral do ambulatorio para facilitar a instalación dos stands que participan no evento e a colocación dun dos palcos de actuacións.
• A partir do mércores 28 de xuño ás 7:00 h e ata o día 3 de xullo ás 23:00h permanecerá pechada ao tráfico a Rúa do Malecón na súa totalidade, para proceder a instalación do outro palco do Festival.

Todos os cortes estarán sinalizados e se a execución dos traballos que se realizarán fora inferior ó tempo previsto para facelos, procederase á reapertura do tráfico de forma inmediata.

Dende o Concello queren solicitar a colaboración cidadá e desculpan as molestias que estas alteracións do tráfico poidan ocasionar.