O programa de actividades municipais ata que remate agosto contará con tres sesións de cine os días 26 de xullo, 14 de agosto e 28 de agosto. O mércores día 26 proxectarase ‘Padre no hay más que uno’ no local social de Vila de Mouros ás 22:00 horas. O 14 de agosto ‘Padre no hay más que uno 2’ no mesmo lugar á mesma hora. E o 28 de agosto poderase ver a terceira parte desta triloxía de novo no local social de Vila de Mouros ás 22:00 horas.
O venres 28 de xullo haberá un concerto de Os Parentes, na Praza de España ás 22:00 horas. O mesmo escenario o martes 1 de agosto acolle o espectáculo para público adulto ‘Contos de contrabando’ a cargo de Avelino González.
Os días 7 e 8 de agosto haberá un curso de piragüismo a cargo do club Quixós en Vilasouto. As persoas que queiran participar poden anotarse chamando ao Concello do Incio. Xa o xoves 17 de agosto os máis pequenos da casa e o público familiar poderán gozar do conto musicado ‘O oso caroso’ na Praza de España ás 18:00 horas.
O martes 22 de agosto a música encherá a Praza de España a partir das 20:00 horas co concerto ‘Carta de Ajuste’. O venres 1 de setembro chega o espectáculo ‘Circo Chosco: Forzu2’ no local social de Vila de Mouros ás 19:00 horas.
