Olalla Rodil explicou que “é o PP o único responsable do progresivo desmantelamento da sanidade publica” e engadiu que “especialmente no sur de Lugo danse todas as circunstancias para reforzar unha sanidade necesaria que se está a destruir dende o goberno da Xunta”.
Pola súa banda Carme Aira, destacou a necesidade de persoal nos hospitais e nos puntos de atención “o persoal non ten continuidade nos seus postos de traballo e non poden coñecer as persoas nin as súas particularidades, cousa que se fai máis necesaria e precisa cando se trata de pacientes con casuísticas peculiares e idade avanzada. Ademais diso, estamos na situación que denunciamos, onde non cobren nin as baixas nin as vacacións, obrigándonos a ir ás urxencias en ambulacia ata o Hula ou o Hospital de Monforte”.
“Á situación sanitaria provocada pola actual dirección do SERGAS súmase a situación de abandono na que se ven sumidas as persoas que precisan de atención en centros especializados, sobre todo no caso dos maires” explicou a portavoz municipal Rosana Prieto “gástanse todos os cartos públicos en facer grandes obras e en mercar espazos innecesarios mentres abandoamos aos nosos maiores alegando falta de recursos”. Rosana Prieto abondou na necesidade de crear un sistema de atención que permita, mentres sexa posible, a vida nos propios fogares e non o traslado a grandes residencias públicas.
