HomesociedadeCadea humana en Chantada contra o acoso escolar

Cadea humana en Chantada contra o acoso escolar

O Concello de Chantada a través da Concellaría de Educación programa varias actividades para sensibilizar sobre acoso escolar e bullying.

Publicado o

POR
Redacción
- Advertisement -

Este xoves, 2 de maio (Día Internacional contra o Bullying e o Acoso Escolar), desde a Comandancia da Garda Civil en Lugo coa colaboración dun equipo de psicólogos, ofreceranse charlas nos colexios Xoán de Requeixo e Eloísa Rivadulla, destinadas ao alumnado de 4º, 5º e 6º de primaria. Xa neste curso tense desenvolto unha actividade similar destinada, neste caso, ao alumndo dos IES Lama das Quendas e Val do Asma.

Para o venres, 3 de maio, desde a Concellaría de Educación organízase unha cadea humana na que participará o alumnado que acudiu a estas charlas. Daranse cita ás 12:00h. na contorna das piscinas municipais, “Tentamos achegar á poboación que o bullying e o acoso escolar non é só cousa dos centros de ensino. Estes comportamentos hai que atallalos desde o comezo e as familias xogan un papel fundamental. Queremos concienciar á cidadanía desta problemática e visibilizala”, destaca Belén Vázquez, concelleira de Educación.

Como complemento ás actividades desta semana, desde a Concellaría de Educación, prepárase unha mesa redonda na que participarán as ANPAS e orientadores dos centros de ensino de Chantada. “Estamos pendentes de pechar esta cita que terá lugar no Auditorio Municipal e na que nos gustaría darlles protagonismo a nais e pais, que participen cantas máis persoas mellor e que sexan conscientes de que seu fillo pode ser tanto o acosado como o acosador”, conclúe Belén Vázquez.

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...