HomeComarca de ChantadaTaboadaPresentada en Taboada a programación de 'RaizameS'

Presentada en Taboada a programación de ‘RaizameS’

O Auditorio da Casa Cuartel de Taboada acolleu esta mañá a presentación do cartel e da programación da segunda edición de Raizames, o Encontro da Cultura do Viño da Ribeira Sacra.

Publicado o

POR
Redacción
- Advertisement -

Conta atrás para a segunda edición de ‘RaizameS’ que se celebrará os días 10, 11 e 12 de maio en Taboada. Este martes 7 de maio tivo lugar a presentación do cartel e da programación, estando no acto o presidente de ACIMTA, Miguel Pavón Reinoso; o Delegado Provincial da Xunta de Galicia, Javier Arias; as deputadas provinciais Pilar García Porto e Iria Castro; o Alcalde do Concello de Taboada, Roi Riguera; e o Tenente Alcalde, Xosé Portela.

Todos os intervintes coincidiron en sinalar a importancia de consolidar un evento destas características, tan diferenciador e rupturista que basea o seu plantexamento en colocar a mirada na propia narración das personas que habitan o territorio e terman do legado cultural da Ribeira. García Porto, Deputada de Réxime Interior, Promoción do Territorio e Turismo, destacou a importancia da continuidade desta iniciativa, “que naceu o ano pasado co obxectivo de poñer en valor os produtos de calidade que definen a nosa gastronomía da provincia”. O delegado territorial de Lugo, Javier Arias, explicou que o Goberno galego apoia esta cita a través de Turismo de Galicia para sumar “outra convocatoria turística de referencia arredor do viño para esta denominación de orixe”. Pola súa banda, a deputada de Cultura Iria Castro destacou a importancia de “dar voz a estas actividades que conseguen poñer o foco na cultura e nas tradicións galegas e, neste caso, centradas na viticultura, un sector moi arraigado na Ribeira Sacra e no que participan moitas familias do sur da provincia”.

Ademais do encontro obrigado cos caldos da Ribeira Sacra, o evento contará con propostas artísticas que van dende o audiovisual, a fotografía, o musical, a danza contemporánea e ata a performance. Taboada e a Ribeira contada polos seus propios protagonistas nun encontro no que tamén hai unha clara mirada violeta e en feminino.

Roberto Regal, asesor en contidos vitivinícolas, explicou a filosofía do evento dende a perspectiva dos contidos culturais do viño, e Noa López deu conta da programación.

RaizameS 2023. Foto: Noa López Producións
PROGRAMACIÓN

VENRES 10 DE MAIO

18:30 horas: Visita á exposición fotográfica efémera Paisaxe Humana. Rúas de Taboada.

19:00 horas: Acto de inauguración. Casa Cuartel.

20:00 horas: Proxección do documental Os gardiáns das cepas. Casa Cuartel.

21:00 horas: Retrátate. Estudo fotográfico ambulante, con Abel Valdenebro. Casa da Cultura.

SÁBADO 11 DE MAIO

10:00 horas: Roteiro Canta arte se agocha nunha cunca de viño. Con intervencións artísticas e cata guiada. Saída desde a Praza de Riazón (previa inscrición).

12:00 horas: Espazo Atmosfera de viño. Praza de Riazón.

14:00 horas: Concerto Cachas & Cousins. Praza de Riazón.

17:00 horas: Encontro Viños que coidan das cepas e a paisaxe. Pazo de Bembibre.

18:00 horas: Espazo infantil Vendimarte cativa. Praza de Riazón.

21:00 horas: Concerto Pablo Sanmamed trío. Praza de Riazón.

22:00 horas: Queima dunha facha. Praza de Riazón.

DOMINGO 12 DE MAIO

10:30 horas: Presentación do libro Observación sobre a cultura do viño na Galiza. Presentación da tradución ao galego. Casa da Cultura.

12:00 horas: Encontro O viño, con nome de muller. Pazo de Bembibre.

12:00 horas: Espazo Atmosfera de viño. Praza de Riazón.

14:00 horas: Danza contemporánea Leira. Praza de Riazón.

A Deputación de Lugo colabora economicamente con 12.000 euros,

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...