O 13 de maio, o Auditorio Municipal de Chantada será o punto de encontro dunha xuntanza centrada no turismo e coa que abrir diálogos sobre o futuro do sector. Está organizada pola ONG “Acción contra el Hambre” e en colaboración co Concello de Chantada.
Esta actividade, enmarcada no proxecto Comunidades de Emprego e Emprendemento Rural Sostible, financiado polo Fondo Social Europeo Plus e Fundación MAPFRE; ten vocación de ser a primeira dun percorrido que permita que entidades, empresas e cidadanía conversen, desvelen potenciais, estuden sinerxías e, en definitiva, colaboren para construír un futuro para todos e todas de maneira consciente e en consonancia co desenvolvemento rural.
Acción contra el Hambre fai un chamamento a todas aquelas persoas profesionais do sector turístico, e tamén a aquelas outras interesadas ou que consideran que poden explorar novas oportunidades neste eido: estudantes, asociacións, persoas desempregadas, empresas do sector primario ou servizos, emprendedoras, etc.
Nesta primeira reunión haberá representación do Concello de Chantada e do Consorcio de Turismo Ribeira Sacra; e poderase falar de financiación, desestacionalización, profesionalización, emprego, actividades complementarias… Partindo das intervencións dos/as presentes e cun enfoque participativo, intentando identificar ideas e obxectivos que dean continuidade a estas xuntanzas. Sempre coa vista posta na creación e mellora do emprego e na dinamización territorial como formas de fixar poboación no rural.
Para máis información ou confirmar asistencia pódese contactar co teléfono 648 16 68 48 ou enviar un correo a arandolfe@accioncontraelhambre.org.
