Esta noite ás 23.00 h. volta o humor da man do monologuista Tito Rober, un monologuista ourensán afincado na Coruña que leva máis de 6 anos actuando a nivel nacional. Foi gañador de varios concursos de monólogos, un dos máis recoñecido o V Concurso de Monólogos Villa de Bembibre no 2015. Actualmente compaxina as súas actuacións coa participación semanal no grupo de improvisación de Coruña “Cousas veredes” na Sala BaBa Bar de Coruña.
O monólogo que presenta en Monforte, “Vida e milagros do zume de laranxa”, fala das peripecias dun neno ourensán, un pequeno nacido no seo dunha familia humilde e coa única influenza femenina da súa nai obsesionada coas vitaminas. Vanse queimando as etapas esenciais da vida de toda persoa e vanse cruzando no noso camiño medos e aventuras vividas nestas fases… Todo iso narrado por Tito Rober cun estilo moi próximo ao público e sempre con comparacións ácidas en relación á vida que leva a mocidade hoxe en día.
