O Círculo Saviñao de Escairón organiza este mes de decembro un ciclo de teatro completísimo, programando funcións todos os domingos. A primeira será este 1 de decembro e correrá a cargo da Compañía de teatro afeccionado Argalleiras Teatro. Levarán a escena a obra “A autopista”. (teatro aficionado).
RESTO DA PROGRAMACIÓN
Día 8 de decembro: Sartori Teatro ofrece a obra “Masculino singular”. Esta actuación está enmarcada dentro do circuíto de teatro profesional.
Día 15 de decembro: O grupo de teatro Faro Miño actúa coa peza “Intelixencia artesanal” (teatro afieccionado).
Día 22 de decembro: a Compañía profesional Pinconús representa a comedia musical
“Pinconús”.
O día 29 de decembro, e pechando o calendario teatral de decembro, será a quenda de Sr. López Producción coa obra “A viaxe do señor López”. Actuación que pertence ao circuíto de teatro profesional.
Todas as actuacións comezarán ás 6 da tarde no auditorio municipal de Escairón e forman parte dos circuitos aficionado ou profesional da Área de Cultura da Vicepresidencia da Deputación de Lugo, quen promove ditas representacións.
