Unha persoa perdeu a vida este martes tras sufrir un atropelo no municipio lucense de Sarria. Segundo informou o 112, o accidente ocorreu ao redor das 22.30 horas, momento no que un particular alertou ao servizo dun atropelo en rúa de Diego Pazos. Sinalaba ademais que o atropelo parecía grave.

Os xestores do 112 Galicia pasaron o aviso rapidamente ao Servizo de Urxencias Sanitarias de Galicia-061, á Policía Local e á Garda Civil. Mobilizouse a unha ambulacia para trasladar á vítima, que acabou perdendo a vida sen que se puidese facer nada.