O pasado domingo, 20 de abril, quedou inaugurada no Círculo Saviñao de Escairón a exposición “O Saviñao en foco” do fotógrafo e socio da entidade José Manuel Paradela Pallares.

Na presentación estivo o Alcalde do Saviñao, Juan Carlos Armesto, e numerosos asociados e asociadas coñecidos do autor que non quixeron perder unha mostra que reflicte, segundo palabras do presidente da entidade organizadora, Enrique Sampil, “as nosas terras dunha maneira cercana e á vez distinta”.

O propio Sampil di que a mostra está tendo unha gran expectación e desexa que sexan moitas e moitos aqueles que “a visiten e percorran coa curiosidade e o afecto que a creatividade do autor merece”.

A exposición pódese visitar ata o 1 de xuño no salón interior das instalacións do Círculo do Saviñao.