O roteiro de sabores que impulsa o GDR Ribeira Sacra Courel chega á súa 5ª etapa que será no Concello de Pantón. Concretamente no Mosteiro de San Salvador de Ferreira, o vindeiro 17 de maio ás 19:00 horas
Ademais da visita guiada a un edificio con moita historia, os e as participantes gozarán dunha cata de viño a cegas, unha experiencia diferente para estimular os sentidos.
Dende a organización lembran levar o pasaporte para o seu selado no caso de participantes que xa estiveran en eventos realizados nas anteriores etapas: Quiroga, Ribas de Sil, A Pobra do Brollón, ou Monforte.
Dende a organización acaban de confirmar que as prazas para anotarse nesta etapa están xa esgotadas.
O CAMIÑO DE INVERNO GUSTA: UN ROTEIRO DE SABORES
O obxectivo principal desta iniciativa é promocionar o Camiño de Inverno e resaltar o seu valor como ruta xacobea a través da súa gastronomía e historia. “O Camiño de Inverno GUSTA: Un roteiro de sabores” é, pois, un proxecto que busca poñer en valor a riqueza gastronómica e cultural desta ruta xacobea ao seu paso polos seis concellos polos que transcorre o Camiño de Inverno dentro do territorio do GDR Ribeira Sacra-Courel.
