O Concello da Pobra do Brollón ofrece unha nova proposta de lecer para a noite do mércores 3 de setembro. Trátase dun concerto a cargo do grupo “Os Nickis”, unha formación que conta con catro integrantes de Sarria e Australia: Nick Watson, María García, Verónica Quintela e Martín Vázquez.

A través da voz, guitarra, bombardino e percusión, Os Nickis dan vida a “ritmos do Caribe, as harmonías do Novo Mundo e a nosa tradición”.

A actividade será ás 20:30 na área recreativa Samugueiros, con entrada libre.