Son 9 os deportistas de PRODEME quen viaxaron a Castelló, 7 xogadores compiten na modalidade de fútbol-7, nun equipo combinado xunto coa Asociación ASPAS. 2 deportistas mulleres defenderán as cores de Galicia na disciplina de pádel.
Acompañando ao equipo están tamén a fisioterapeuta, Belén Pérez, e o adestrador, Manuel Luaces, garantindo o apoio técnico e profesional necesario para afrontar esta cita deportiva internacional.
Este encontro reune en Castelló a centos de deportistas con discapacidade intelectual de todas as comunidades autónomas e de varios países europeos, converténdose nun espazo privilexiado para promover os valores do deporte inclusivo, a igualdade de oportunidades e a superación persoal.
Dende Prodeme destacan o orgullo de representar a Galicia neste evento, “desexámoslles moita sorte ás nosas e aos nosos deportistas, convencidos de que levarán o nome de Monforte e da Ribeira Sacra ao máis alto”.
