Baobad é un libro que fala dun paseo por África e onde o autor reflicte a realidade a través da poesía e das imaxes. Moncho Iglesias é escritor e profesor de Lingua Galega, exerce na actualidade en Castro Caldelas. Viviu en Palestina ensinando español na Universidade de Belén. Durante o encontro tamén contará a súa experiencia e estadía en Palestina.

É autor de obras como: Oda as nais perennes con fillos caducos entre os brazos, Pedras de Plastilina, Tren, Cheira, etc

Segundo Iglesias o libro que presenta en Mnforte é verso e fotografía sobre África, “88 imaxes que pasean con moitas palabras máis por este continente, nunha lectura das fronteiras que navegan as augas de ríos, lagos, mares e oasis, e o visionamento dunha historia contada en ladaíñas de silencios e berros. É un mapa debuxado con pasaportes que buscan visados cos que espertar de travesías deseñadas coas físgoas dos calzados que aínda non tiveron pé e, así a todo, xa confesan colleitas de insultos e adubos. As imaxes feitas palabras e viceversa evocan un continente que exacula cores, á vez que viste de loito calcañares e calcañares e calcañares esquecidos nas pegadas que deixan as ladaíñas da vida”.