A asociación cultural Segredos de Pantón convida a unha nova actividade o vindeiro domingo 14 de decembro. Trátase dun roteiro cultural que levará aos interesados e interesadas, en palabras da entidade organizadora, a “emprender unha viaxe ao noso pasado nun percorrido polos castros de Amboade, Vilar de Ortelle e Guítara, acompañados polos petróglifos da contorna. Descubriremos pegadas milenarias das antigas comunidades que habitaron estas terras, combinando historia, natureza e patrimonio”.

O punto de encontro será a Igrexa de Santiago de Vilar de Ortelle e a hora anunciada as 10:00. A partir deste lugar a xente participante moverase en coches particulares rematando a actividade no Castro da Guítara.

Segundo indican da organización, cómpre anotación previa e o pagamento de 2 euros. Ademais, a participación está aberta ata un límite de 30 persoas.

Inscricións: segredosdepanton@gmail.com / Teléfono e whatsapp 662 669 223 (Lucas Vázquez).