O Hospital Comarcal de Monforte ofrece HADO desde 2016 cun único equipo composto por 1 médico e 3 enfermeiras para atender un distrito de 11 concellos e máis de 45.000 habitantes, cunha poboación moi envellecida, dispersa. “Para alcanzar unha cobertura plena e garantir a igualdade real no acceso á saúde, consideramos que é imprescindible reforzar o persoal da HADO e ampliar a cobertura aos concellos que aínda quedan fóra, como o noso”, afirman desde Courel Vivo.
O Plan Galego de HADO 2019-2023 establece como obxectivo dar cobertura o 100% do territorio. Concellos como Chantada ou Carballedo, levan tempo negociando coa Consellaria de Sanidade e coa Area Sanitaria contar no seu concello con este servizo. Polo que desde Courel Vivo propoñen tamén demandar este servizo e presentan ao pleno unha moción para tomar os seguintes acordos:
- Que desde o 3 grupos do Courel, manifestemos o apoio ó reforzo do servizo de HADO no Distrito de Monforte de Lemos, considerando este recurso esencial para garantir unha atención sanitaria humanizada e en igualdade de condicións.
- Solicitar á Consellería de Sanidade e ó SERGAS o reforzo do servizo , o cal permita a cobertura de HADO no noso Concello.
- Instar ao SERGAS a incluír o Concello de Folgoso do Courel na área de cobertura operativa da HADO en canto o reforzo de persoal sexa implementado.
