Nos vindeiros días terá lugar a activación da rede de nova xeración 4G e 5G sobre as bandas de frecuencia 700 e 800 MHz dos principais operadores de telefonía móbil. Estas redes mellorarán a velocidade de conexión a internet, servizos de televisión, vídeo e música baixo demanda, así como decenas de novos servizos que verán a luz nos vindeiros anos para aproveitar o gran potencial da tecnoloxía.

A prestación dos servizos móbiles nestas bandas de frecuencia pode conlevar a aparición de determinadas afectacións na recepción da sinal da Televisión Dixital Terrestre (TDT), xa que anteriormente utilizábanse para a televisión. Para solventar estas posibles incidencias, no caso de que se produzan, as operadoras de telefonía móbil poñen a disposición dos usuarios da TDT os servizos da empresa “llega700” para resolver calquera incidencia que se producira.

Por se houbese cidadáns que non estiveran ao corrente, o Concello de Monforte lembra á súa veciñanza que está habilitado un teléfono de atención gratuíta ao que poden recorrer os afectados co fin de restablecer o servizo TDT. O número de atención cidadá é o 900 833 999. Unha vez notificado o problema, un técnico cualificado da devandita empresa desprazarase ata o domicilio para solucionar a incidencia sen coste algún para os afectados.