Segundo a formación política, nos dous centros de saúde de Folgoso do Courel non se cubren as prazas de atención primaria ou os médicos vense obrigados a “intersubstituirse”, ou están unhas horas en cada centro, ou se cubren días soltos.
A esta situación denunciada en anteriores ocasións, engaden que se vén de coñecer que Folgoso do Courel será o único municipio do ámbito do Hospital Público de Monforte sen HADO, o servizo de hospitalización a domicilio. “Dos nove concellos do ámbito de influencia do Hospital de Monforte só quedou fóra Folgoso do Courel, e a razón é a súa situación xeográfica e orografía montañosa”, lamentan.
Courel Vivo denuncia de novo esta situación de “desatención médica”, e esixe á Xunta de Galicia que dote aos dous centros de saúde con médicos de atención primaria de forma estable e continuada e tamén do servizo HADO. Esta queixa elévena outra vez ao Valedor do Pobo.
Concentración servizos médicos / Courel Vivo
