Xabier Quiroga volveu ao Círculo Saviñao para presentar diante de socios e veciños a súa última e recén publicada novela “Alguén ao lado”. “Unha oda á amizade e á dificultade que teñen as persoas para querer e entenderse”, comentan dende a entidade organizadora.

Xabier, entre outros méritos e recoñecementos na súa traxectoria literaria, foi finalista do Premio Xerais 2001, gañador do premio da Crítica en 2009 e 2014 e do Premio Arcebispo San Clemente 2016. Na presentación deste libro estivo moi ben arroupado pola veciñanza, moitas amigas e amigos do Saviñao e contorna.

O presidente da sociedade, Enrique Sampil, introduciu a obra de Xabier e lembrou publicacións anteriores, obras que tamén foron presentadas no Círculo Saviñao. Ao remate do acto, o autor do Saviñao atendeu ao público e asinou exemplares da novela presentada.