Dende o centro de ensino IES A Pinguela veñen de informar que 6 das súas alumnas do Ciclo Medio de Confección e Moda visitan Italia acompañadas de 2 profesoras. Concretamente atópanse en Perugia, “a máxica cidade capital da Umbria, onde coñecerán por medio dun programa Erasmus+ do noso centro como se está a traballar a confección e o mundo da moda”, refire o seu director, Enrique Sampil.
O centro de ensino co cal se fai o intercambio é o “Instituto Omnicomprensivo Bernardino di Betto”, ao que agradecen a colaboración e esperan recibir en Monforte en cursos vindeiros. Dende a dirección sinalan tamén que a estancia formativa será dunha semana, “tempo que lles cumprirá para aprender moito da súa familia profesional e empaparse da beleza da cidade e do encanto daquelas terras”.
