Galegas 8M adianta a celebración do 8 de marzo ao día 3, para que o día 8 se poidan celebrar as convocatorias locais.

Para participar da cita do día 3 en Lugo para conmemorar o Día Internacional da Muller, o movemento feminista de Monforte freta un autobús, que sairá ás 10.00 da mañá do Parque dos Condes. A saída de Lugo para regresar a Monforte, farase ás 16.30.

As prazas cubriranse por orde de inscrición e para isto teñen que chamar aos teléfonos 625 350233 ou 600066951. A celebración en Lugo ten como intención principal ter un acto conxunto para que o día 8 se poidan celebrar as convocatorias locais. Ese día tamén terá lugar a folga laboral, estudantil, de coidados e de consumo.