EFE.- Segundo informaron a EFE fontes do parque de Bombeiros, o sinal de alarma saltou sobre as 09:30 horas a través do 112 e, inmediatamente, desprazáronse ao lugar, en Souto Novo -na parroquia de Anllo– catro efectivos do parque con dous vehículos.
Uns vinte minutos despois chegaron ao lugar do incendio, onde xa estaban a traballar efectivos de Protección Civil, e viron que saía abundante fume do tellado de edificio. Para buscar a orixe do lume, destellaron dous metros cadrados da cuberta e introduciron unha cámara térmica que lles permitiu localizar e sufocar o foco exacto do incendio, antes de que as lapas se propagrasen ao resto do inmoble.
Os bombeiros estiveron a traballar na vivenda ata as 11:30 horas, para arrefriar a zona e asegurarse de que as chamas non se reavivasen. Neste suceso non houbo que lamentar danos persoais.
