Un home resultou ferido despois de envorcar o tractor que conducía nunha leira este mediodía no lugar de Carballo, no termo do municipio lugués de Taboada.

Segundo os servizos de emerxencias o home atopábase ferido aínda que estaba liberado. O suceso ocorreu preto das 12,15 horas, momento no que os servizos sanitarios comunicaron ao 112 Galicia a saída dun helicóptero medicalizado por un accidente de tractor nunha leira particular.

Posteriormente o home non tivo que ser trasladado en helicóptero, aínda que a aeronave medicalizada xa se trasladou ata a zona e tomara terra no lugar do suceso. O incidente concluíu co desprazamento do paciente en ambulancia ata os centros hospitalario de referencia, explicou o 112 Galicia.