A Garda Civil denunciou a un hostaleiro da localidade lucense de Taboada por “desobediencia” xa que se negou a colaborar cos axentes que inspeccionaron o seu local e non lles facilitou a documentación que lle requiriron, ademais de tramitar unha proposta de sanción por non facer uso da obrigatoria máscara no seu traballo.

Segundo informou a propia Garda Civil, os feitos producíronse nun bar da localidade de Taboada durante a madrugada do sábado -día 18- ao domingo -19 de xullo-, ao decatarse unha patrulla de que o propietario do establecemento estaba a incumprir o horario permitido de peche.

O hosteleró foi denunciado por non usar a máscara, por non cumprir a normativa antitabaco e por “diversas infraccións relacionadas coa hostalaría”.

Tamén por “desobediencia”, dado que se negou a colaborar cos axentes que realizaron a inspección e non lles proporcionou a documentación que lle solicitaron.