A área sanitaria de Lugo é a que presenta unha maior repunta no total de casos activos por coronavirus en toda Galicia. Segundo o Sergas, hai 531 pacientes con infección activa, 24 máis ca os notificados onte. Así mesmo, aínda que os positivos confirmados durante a última xornada son algúns menos ca os diagnosticados un día antes, a cifra segue sendo elevada e amosa unha clara tendencia á alza nesta semana: en Lugo detectáronse 46 contaxios nas últimas 24 horas.