As axudas directas da Xunta para as adegas da Ribeira Sacra proceden de:
- A Consellería do Medio Rural, a través das liñas de apoio á comercialización e transformación de produtos agrarios.
- O anterior Instituto Galego da Calidade Alimentaria
- O Grupo de Desenvolvemento Rural (GDR)
- O Instituto Galego de Promoción Económica (Igape), pertencente á Consellería de Economía, Emprego e Industria.
Ata o momento 15 adegas decidiron acollerse ás distintas liñas de apoio dispoñibles, todas elas emprazadas nos concellos de Sober, Chantada, Pantón e O Saviñao.
A estas subvencións hai que engadir outras iniciativas dirixidas a unir esforzos entre o mundo vitivinícola e a axenda turística, con diversas actividades e eventos nos que a Ribeira Sacra é un referente, como apunta o delegado territorial da Xunta en Lugo, José Manuel Balseiro.
Hai que engadir tamén os apoios ao Consello Regulador da Denominación de Orixe Ribeira Sacra que ampara o traballo de máis de 2400 viticultores e de preto de 90 adegas. Con todas estas aportacións contribúese ao fortalecemento dun sector estratéxico para a economía da comarca e da provincia como o califica José Manuel Balseiro.
CONTROIS DE MADURACIÓN
O luns 27 de agosto iniciaranse os controis de maduración nas viñas da Denominación de Orixe. Estos controis previos determinarán o estado da uva e axudarán a establecer a data oficial do inicio da vendima, recomendada polo Conselló Regulador.
