Este ano a colleita viuse levemente afectada polo mildiu e a pedra. O pedrazo do mes de agosto ocasionou perdas nalgunhas adegas da subzona de Amandi, principalmente. Pola contra, o bo tempo nestes días de vendima, soleado con noites frías, favorece o bo estado sanitario da uva e fixa a súa acidez.
Nesta campaña elaboran viño ao amparo da Denominación de Orixe 95 adegas; 63 adegas están realizando labores de vendima e 19 adegas xa finalizaron a recollida da uva.
Despois dunha fin de semana de intensa actividade nos viñedos, os datos oficiais de recollida de uva a data 1 de outubro 2018 son:
Variedades tintas:
- Mencía: 1.952.944 kgs
- Brancellao: 3.247 kgs
- Merenzao: 36.376 kgs
- Caiño: 7.304 kgs
- Garnacha: 87.791 kgs
- Mouratón: 316 kgs
- Sousón: 32.479 kgs
- Tempranillo: 18.649 kgs
Variedades brancas:
- Albariño: 70.553 kgs
- Dona Branca: 2.910 kgs
- Godello: 227.026 kgs
- Loureira: 1.177 kgs
- Torrontés: 2.283 kgs
- Treixadura: 24.650 kgs
TOTAL DE KGS RECOLLIDOS: 2.467.705
A vendima que desafía á vértixe
A vendima na D.O. Ribeira Sacra é un espectáculo de loita contra a vértixe e cada ano chama a atención de máis persoas interesadas. Nestes días, un grupo da Axencia EFE estivo realizando unha reportaxe dirixida ao público anglosaxón e a través do IGAPE, coa iniciativa, “International Galician Wine Week 2018”, un grupo de xornalistas de diferentes países visitou a D.O. para coñecer de primeira man a viticultura, os viñedos, os viños e como é o traballo durante a vendima.
