InicioCulturaAlicerces chega a Monforte

Alicerces chega a Monforte

A Irmandade Cultural País do Faro presentou no Centro do Viño da Ribeira Sacra de Monforte o terceiro tomo da revista Alicerces. Esta revista é un proxecto editorial que pretende ser unha ferramenta de divulgación de estudos e artigos de investigación relativos a Concellos da Ribeira Sacra bañados polo río Miño: Carballedo, Chantada, Pantón, O Saviñao e Taboada. 

Publicado o

- Advertisement -

Para coñecer un pouco máis desta inciativa que chega á cidade do Cabe, falamos co director da revista, José Méndez.

Cando se creou A Irmandade Cultural País do Faro, colectivo que organiza e edita a revista e por que?

Creouse fai 3 anos, e o primeiro número viñase traballando xa desde 3 anos antes. Créase por unha inquedanza común, un grupo de persoas cos mesmos intereses e o obxectivo de dar coñecer o patrimonio material e inmaterial de concellos que tiveron e teñen unha vinculación común cunha forma de vida asociada ao río Miño.

¿Que recolle a revista que se presentou esta fin de semana?

A revista está formada por catro apartados: estudos, ferramentas, creatividade e recensión de libros. Dentro dos estudos hai 7 traballos de investigación.

Quen fai os artigos, como se escolle a temática, se alguén quere colaborar que ten que facer?

En reunión dos distintos membros que forman o consello de redación decídense os temas dos que van tratar nese tomo e búscanse persoas especialistas neses temas. Pode colaborar calquera persoa que o desexe sempre que se traten temas de investigación ou científicos. Terían que poñerse en contacto coa redación ou coa asociación Irmandade Cultural País do Faro.

Alicerces contén estudos e artigos de investigación relativos a Concellos da Ribeira Sacra bañados polo río Miño. Por que se presenta este terceiro tomo en Monforte?

Formamos parte, todos, dun territorio maior que é a Ribeira Sacra. O que pasa e o que son os concellos da contorna aféctanos a todos. Sabemos que o contido e a proposta en xeral ten interese en Monforte e comarca.

¿Qué tirada ten a publicación e como se financia? É  unha publicación anual. Para a edición contamos coa colaboración da Deputación Provincial e do Concello de Chantada e coas ventas dos anos anteriores.

¿Cómo se distribue? A través da Asociación Irmandade Cultural País do Faro e na libraría Central de Chantada. Cada tomo ten un custo de 10€.

Revista Alicerces / Irmandade cultural País do Faro

ÚLTIMAS

“Fiando na igualdade técese unha sociedade”, lema do 8M en Monforte

Este 4 de marzo presentouse na Casa do Concello de Monforte o programa de...

Premio ‘Eduemprende Idea 2023’ para o IES A Pinguela polo proxecto ‘StyleClo’

Un total de seis institutos e centros integrados de FP de Galicia veñen de...

A curta documental “Corre o vento”, rodada no Courel, presente no Festival de Málaga

Corre o vento, da que demos conta o pasado ano no transcurso da súa...

Máis de 2000 euros en premios nos concursos da XX Feira Medieval de Monforte

Tras convocar o pasado mes de xaneiro o Concurso de axudas para a confección...