O vertedoiro de residuos da construcción ubicado na parroquia de San Xurxo de Centollo, en Chantada, xa está rematado logo de 3 longos anos.

Esta iniciativa, levada a cabo entre o Concello de Chantada e a Xunta de Galicia, tiña como obxectivo a creación dunha cuberta vexetal onde anteriormente, so había residuos de diferente natureza ademais de solucionar os problemas ambientais de contaminación, a estabilidade de noiros, saturación e posibles riscos sanitarios e a restauración paisaxística de toda a contorna.

Os traballos executados para a adecuación, selado e clausura do vertedoiro consistiron basicamente na retirada dos residuos voluminosos depositados neste espazo e o seu tratamento, a estabilización da superficie, as labores de impermeabilización e de control de augas superficiais e a restauración da cuberta vexetal.