HomeTerra de LemossanidadeA falta de fisioterapeutas en Chantada segue suscitando polémica

A falta de fisioterapeutas en Chantada segue suscitando polémica

O Grupo socialista de Chantada denuncia que o servizo de fisioterapeuta tampouco está dispoñible no Centro de Día da vila.

Publicado o

- Advertisement -

Como xa informou o XdL , os recortes en materia de sanidade por parte do Sergas, están ocasionando grandes problemas na contorna de Chantada.

Dende a agrupación socialista de Chantada denuncian que o servizo de fisioterapeuta tampouco está dispoñible no Centro de Día da vila. Este feito é considerado de máxima gravidade dende a súa organización posto que neste tipo de centro a súa prioridade son os coidados específicos dos seus usuarios; tanto é así que eles mesmos o califican como “case imprescindibles á nosa idade e cos nosos achaques”.

Se esta situación é grave, aínda o é máis que os doentes seguen a pagar as mesmas cantidades que cando se prestaba este servizo, e tamén contías semellantes ás que se requiren noutros centros desta natureza en concellos próximos, pero coa salvidade de que eles non reciben atención fisioterapéutica.

Polo tanto, dende o PSOE Chantada esíxenlle á Xunta de Galicia que repoña de xeito inmediato o posto de fisioterapeuta. Esta demanda foi levada a pleno municipal o pasado día 9 de xullo onde toda a corporación municipal amosou o seu rexeitamento unánime.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...