O domingo 22 de xullo celebrarase ás 10:00 horas en Sober un roteiro adicado ó chantadino Xosé Lois García enmarcado dentro das actividades de verán organizadas polo Colado do Vento.

A andaina, de trazado cirucular, sairás ás 10:00 horas do Campo de Pinol, pasando pola Igrexa de Pinol, por Cadeiras, Sampil, o Souto do Tellada ou a igrexa de Lobios. Con ete percorrido preténdese afondar na poesía do autor chantadino que lle adicou a Sober.

Para poder participar nesta actividade, non é preciso anotarse previamente.

xosé lois garcía

Nado en Merlán, Chantada no ano 1945, con 20 anos marchou para Barcelona traballar na metalurxia e estudar no Instituto de Ciencias Sociais e  Políticas e na Universidade de Barcelona.

Durante a súa estancia en terras catalanas desenvolveu diversas labores de divulgación da cultura galega en Cataluña; conferenciante e articulista en varias publicacións galegas, tamén é ensaista, crítico literario, de arte e dramaturgo.

Especialista en literatura de expresión portuguesa en África, antólogo e tradutor, a súa obra está composta por máis de 50 libros publicados sobre diversas temáticas galegas, portuguesas e catalanas.