InicioSucesosUn falecido e un ferida grave nun accidente en Chantada

Un falecido e un ferida grave nun accidente en Chantada

Un home duns sesenta anos, D.A.P.R., veciño de Portomarín, faleceu este xoves día 13 tras producirse unha colisión frontal entre dous turismos na N-540, entre o Polígono Industrial e o centro urbano de Chantada.

Publicado o

- Advertisement -

O accidente, rexistrado ás 21.30, saldouse tamén cunha persoa ferida, a muller ocupante do outro vehículo implicado, que foi evacuada ao centro hospitalario de Monforte.

O sinistro produciuse cando os dous coches bateron de fronte e a vítima mortal quedou atrapada. Por iso, desde o 112 Galicia, solicitouse a intervención dos Bombeiros de Chantada para liberar ao home, pero nada se puido facer por salvarlle a vida.

Ademais dos efectivos do Servizo de Prevención, Extinción de Incendios e Salvamento de Chantada, ao lugar do accidente acudiron os servizos sanitarios de urxencia, que só puideron confirmar o falecemento do home e trasladaron ó ocupante do outro turismo para sometela a un recoñecemento médico.

Por outra banda, desde o 112 Galicia, pediuse a colaboración do persoal de limpeza e mantemento do Ministerio de Fomento con fin de retirar os restos que quedaron do accidente e restablecer as condicións de seguridade na vía.

ÚLTIMAS

Unha apertura de portas nun encoro pon en perigo a dous pescadores en Carballedo

Os pescadores puideron saír polos seus propios medios despois de pedir axuda ao 112...

Primeira xuntanza sobre “Comunidades de Montes Veciñais e en Man Común, Montes de Saberes”, o 24 de abril ás 16:30 no auditorio de Escairón

A actividade enmárcase no proxecto Comunidades Rurais Sostibles desenvolvido por Acción contra a Fame...

Os libros protagonizan varias actividades en Bóveda

O programa Ler Conta Moito trouxo este martes ata o Centro Sociocultural de Bóveda...

Mes dos Libros e das Letras Galegas na Biblioteca Municipal de Chantada

A primeira proposta será o 26 de abril ás 18:00h con Conta e canta...