A conferencia coloquio correrá por conta de Juan Carlos Santiago, experto universitario en intelixencia emocional e terapeuta emocional. Na actividade abordaranse temas como as ferramentas e os recursos emocionais axeitados tanto para persoas que padecen a enfermidade como para seus acompañantes. A conciencia, a consciencia, a identidade, as emocións destrutivas e a súa regulación, as causas do sufrimento -que aparecen incluso antes da propia enfermidade- e cómo evitalo, serán algún dos conceptos a tratar.
A Asociación Chantada contra o cancro leva funcionando algo máis de ano e medio, desenvolvendo iniciativas para axudar a enfermos e familiares do sur da provincia na xestión da enfermidade. Teñen organizado talleres para deixar de fumar, ofrecen atención psicolóxica a pacientes e enfermos, colaboran en distintas actividades deportivas organizadas en Chantada, celebraron “rutas solidarias” e conferencias sobre biopsia líquida, axuda piscolóxica alimentación e hábitos saudables, acompañamento ao final da vida…
A asociación comparte espazo coa Asociación Albores no vello campo da feira de Chantada. Para contactar coa asociación poden dirixirse ao teléfono 683 27 71 13 ou no correo chantadacontraocancroasoc@gmail.com
