O 112 Galicia informou dun lume que calcinou por completo unha habitación nunha casa da localidade lucense de Chantada. En concreto, este incendio produciuse nunha vivenda de dúas plantas situada na Avenida de Monforte.

Neste caso non houbo danos persoais, aínda que o lume calcinou por completo unha habitación e deixou a vivenda totalmente afectada polo fume. Ao parecer, as chamas iniciáronse no mesmo cuarto por mor dunha manta eléctrica.