Este xoves alumnos do IES Val do Asma visitaron o Museo Provincial de Lugo para coñecer a obra do pintor chantadino Manuel Jorge e saber máis sobre o seu proceso creativo e as súas influencias.
Os alumnos de 1º da ESO asistiron a unha visita guiada pola mostra, e profundizaron no tema da representación do entorno coa dinámica “As paisaxes de Manuel Jorge”. Coñeceron paisaxes pintadas por outros artistas dende o romanticismo ata a actualidade pasando polas series abstractas que o chantadino pintou do Mediterráneo e Nova York.
Os rapaces de 4º de ESO tamén fixeron unha visita guiada polo museo coa actividade “A viaxe do artista”, descubriron o relato expositivo da mostra que parte das súas primeiras obras figurativas pintadas en Chantada a finais dos anos 50 do pasado século ata os cadros abstractos pintados nos últimos anos.
Estas non son as únicas visitas que recibirá a exposición, xa que o xoves 8 de novembro o CEIP Eloísa Ribadulla e Xoán de Requeixo de Chantada que visitarán a mostra do Auditorio de Chandata os días 31 de outubro e 7 de novembro. A actividade que realizarán é “Do lenzo á pel. Vestir e usar a arte”, coa que poderán convertir os cadros de Manuel Jorge en estampados para prendas de roupa.
Todas estas actividades están organizadas pola Asociación Amigos de Manuel Jorge de Chantada e o Museo Provincial de Lugo coa colaboración do Concello de Chantada. Para solicitar unha activiadde didáctica antes do remate da exposición poden poñerse en contacto co Museo Provincial de Lugo no correo info@museolugo.org ou manueljorgechantada@gmail.com
