HomeSucesosDeteñen dous homes acusados de secuestro e violar unha muller en Chantada

Deteñen dous homes acusados de secuestro e violar unha muller en Chantada

Ambos os homes, con antecedentes por diferentes delitos, están a ser investigados por detención ilegal, roubo con intimidación e agresión sexual

Publicado o

- Advertisement -

Axentes da Garda Civil procederon este fin de semana á detención dun home acusado de secuestrar en Ourense a unha muller e violala despois nunha casa en Chantada, xunto a outro home que xa foi localizado con anterioridade.

Os feitos dos que se lles acusa a ambos tiveron lugar hai un mes, concretamente o 26 de marzo, de madrugada, cando os dous homes, presuntamente, retiveron a unha muller de mediana idade en Ourense, introducírona nun coche e desprazáronse con ela ata unha casa en Chantada, onde supostamente a violaron e roubáronlle o móbil e outras pertenzas.

Ao mediodía dese mesmo día, os homes deixaron saír da vivenda á muller, que os veciños atoparon deambulando pola estrada que une as localidades de Chantada e Antas de Ulla e avisaron á Garda Civil.

Os axentes detiveron ese mesmo día a un dos homes, por mor da declaración da muller, que foi posto a disposición xudicial e decretouse para el o ingreso en prisión comunicada e sen fianza. O outro, ao non poder localizarse, foi posto en busca e captura, e foi detido este fin de semana. O home pasou o luns a disposición xudicial e tamén se decretou para el as mesmas medidas.

Ambos os homes, con antecedentes por diferentes delitos, están a ser investigados por detención ilegal, roubo con intimidación e agresión sexual.

ÚLTIMAS

Bóveda mellora a eficiencia enerxética en instalacións municipais

Acometéronse dúas actuacións diferenciadas. Por un lado, levouse a cabo a mellora da eficiencia...

“Antes de nós”, filme sobre Castelao na Casa da Cultura de Quiroga

Este sábado, 29 de novembro, ás 18:00h a Casa da Cultura de Quiroga acolle...

‘Peitoescuro’ desvela a derradeiro capítulo da súa triloxía audiovisual

Primeiro foi 'Alvorada', despois seguiulle 'Metamorfose', e agora chega a terceira peza final da...

Presentación literaria de Rochi Nóvoa na Librería Papelotes de Monforte

A Librería Papelotes de Monforte de Lemos acolle unha actividade na que se dará...