O plan de recuperación integral do Courel contará con medidas de preservación do patrimonio natural, que foi afectado os incendios forestais en xullo, como os bancos de sementes ou a produción de especies autóctonas en viviero.
A conselleira de Medio Ambiente, Territorio e Vivenda, Anxos Vázquez, visitou este martes Folgoso do Courel onde tivo unha reunión coa comisión interdisciplinar, constituída no verán co obxectivo de deseñar o plan de recuperación integral.
Desta forma, a conselleira explicou que xa recibiron varias achegas e remarcou a proposta de realizar varios estudos técnicos para garantir a conservación da flora autóctona.
Así, os estudos dirixidos polo profesor, Antonio Rigueiro, constarán dun documento guía e un protocolo de actuación para o establecemento dun banco de germoplasma de sementes e especies propias do Courel.
“Despois trasladaranse para que nun viveiro haxa plantas suficientes para as súas restauracións, non só de árbores senón tamén de especies vexetativas, sen esquecerse das árbores únicas xa catalogadas”, explicou Vázquez.
Así, outro dos traballos, en palabras da conselleira, comezará en xaneiro e será dirixido polo profesor Jesús Dominguez, especialista en ornitofauna. Nese sentido, realizarase un estudo e seguimento de especies vulnerables como a perdiz, o águil ai o aguilucho.
“Unha metodoloxía para o seguimento das especies e ao mesmo tempo ver como afectaron os incendios e como vai afectar á nidificación de face á próxima primavera”, detallou Vázquez.
AXUDAS PARA Os DANOS
Ademais, a conselleira avanzou que a Xunta desenvolve axudas para que os concellos repoñan os danos causados polos incendios; para as comunidades de montes que están en zonas de RedNatura ou en Reservas da Biosfera; tamén para os clubs de cazadores para que “poidan fornecer e instalar sinais que arderon durante os incendios”. Finalmente, a conselleira lembrou que finalizou o prazo de axudas para as vivendas, do cal recibiu 19 solicitudes para a zona do Courel.
