O vindeiro día 19 de setembro dará comezo a formación “Plan de aprendizaxe permanente e mellora das capacidades” dentro do proxecto “O Courel, destino e futuro vital”.
Os organizadores propoñen 30 cursos para elixir, segundo os intereses e necesidades de cada participante/s, que terán unha duración variable segundo a temática e complexidade de cada un e que se seguirán na modalidade online. O alumnado poderá inscribirse nun ou varios, pero respectarase a orde de inscrición para asignar as prazas.
Para coñecer todos e cada un dos cursos formativos pode accederse a traves da páxina web dos promotores e ao mesmo tempo anotarse tendo en conta que só hai dispoñibles 40 prazas que se completarán por orde de inscrición. Outra alternativa para a inscrición sería enviando un correo electrónico ao enderezo gestion@ocoureldestinoyfuturo.es
Os cursos iniciaranse o día 19 de setembro e rematarán o 24 de novembro podendo inscribirse os autónomos, empresarios, emprendedores e traballadores de calquera sector (comercio, hostalería, servizos, talleres, viticultura, etc) dos concellos de Ribas de Sil, Folgoso do Courel e Quiroga.
