InicioPolíticaO BNG quere frear o 'illamento tecnolóxico' do Courel

O BNG quere frear o ‘illamento tecnolóxico’ do Courel

Tras varias accións realizadas nestes últimos meses, nesta ocasión a deputada Carme Aira achegouse ao Camping Municipal de Folgoso do Courel en Seoane para entrevistarse co seu responsable e coñecer as limitacións que ten no exercicio da súa actividade.

Publicado o

POR
Redacción
- Advertisement -

Dende hai máis de seis meses o Bng promoveu diferentes accións para evitar o illamento tecnolóxico dalgunhas casas e negocios das Serras do Courel que ve como o peche da central de cobre deixa sen servizo a diferentes negocios e particulares.

Neste tempo organizaron varios actos de carácter reinvindicativo e informativo,  presentando incluso iniciativas no Congreso co obxectivo de evitar o peche da central de cobre, adiada seis meses pero desconectada na actualidade.

Na mañá do pasado xoves 16 de xuño, a deputada Carme Aira, acompañada do responsábel local Adrián González, entrevistáronse co responsable do camping municipal deste municipio, un dos empresarios prexudicados no Courel. En palabras de Aira, esta persoa está sendo prexudicada polo “incumprimento gubernamental e a falta de compromiso do goberno de España coas zonas de montaña”.

Nas xuntanzas desta semana con persoas afectadas, estivéronse barallando as alternativas tecnolóxicas que hai ao cable (satélite e radio), pero que non funcionan no municipio courelao. É tal a situación de desamparo ante as administracións que, ata asumindo os particulares e os negocios os gastos de instalación as compañías non dan o servizo. Diante desta circunstancia lesiva, lembran os nacionalistas que existe a obriga de dar o servizo, e neste intre hai fondos que tanto Galiza como España reciben precisamente como compensación polas áreas de montaña.

Neste senso, insisten que resulta intolerable que na era das tecnoloxías o Courel quede aillado e aínda por enriba se lle negue á súa poboación o acceso ás oportunidades de desenvolvemento que ten o resto do territorio.

“Mentres as administración nos obrigan a relacionarnos telematicamente, no Courel non podemos nin cobrar con TPV” reflexionaba en alto un dos damnificados pola actual situación cos que falou Carme Aira.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...