HomeComarca de QuirogaQuirogaQueres coñecer a programación do 'San Martiño' quirogués?

Queres coñecer a programación do ‘San Martiño’ quirogués?

O vindeiro 11 de novembro o Concello de Quiroga celebra o día do seu patrón, o San Martiño, e faino organizando o Día da Bicicleta, con música tradicional, xogos populares para a cativada e un magosto popular como é tradicional.

Publicado o

POR
Redacción
- Advertisement -

O venres día 11 ás once da mañá darán comezo os actos para festexar o Patrón de Quiroga, o San Martiño, cunha alborada a cargo do grupo Ventosiño dos Xograres de Lemos e a celebración do Día da Bicicleta.

Ás doce do mediodía será o momento dos actos relixiosos. Haberá Misa e procesión –sempre que o tempo o permita– na que o santo homenaxeado recorrerá a zona da praza Maior. Precisamente neste lugar será onde se desenvolvan a partir dese momento o resto de actos programados para a xornada de festa local en Quiroga.

Ás 13:15 h. o grupo Ventosiño dos Xograres de Lemos actuará no recinto da praza Maior e a partir das 16:00 h. haberá xogos populares para a cativada.

Ás 19:00 h. comezará o tradicional magosto, no que o protagonismo será para as castañas e o viño novo. Tampouco faltará a música, que esa noite correrá a cargo do dúo Eclipse. Castañas e viño serán de balde para aqueles e aquelas que se acheguen a participar da festa.

Castañas asadas. Foto: XMF

A Comisión que organiza os festexos e eventos do municipio decidiu deixar un último acto da festividade do San Martiño para o domingo día 13. O Auditorio Municipal acollerá ese día a partir das 18:00 h. a actuación teatral “As alumnas”, obra dirixida por Fina Calleja e que conta co patrocinio das Secretaría Xeral de Política Lingüística.

ÚLTIMAS

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...