Ao problema de ser unha obra con pouquísimos paralelos conservados, engádense as destrucións acontecidas no Montefurado nos últimos 150 anos, que deturparon completamente seu aspecto orixinal; a última, e seica a máis doenta, a construción da estrada da N-120, que abriu un novo túnel e partiu ao medio a vella obra, sepultando a canle cavada de derivación para levar as augas do Sil cara á Boca do Monte, desviando máis unha vez o curso do río para deixalo como hoxe o ollamos.